“Монголын сайхан орон” сэдэвт хүүхэд багачуудын гар зургийн уралдааны тухай
Монгол Улс тэртээ 1924 онд Бүгд Найрамдах Улсаа тунхаглан, анхдугаар Үндсэн хуулиа баталсан түүхт 100 жилийн тэмдэглэлт ой энэ онд тохиож байна.
Энэхүү түүхэн ойг тэмдэглэн өнгөрүүлэх, Монгол Улсын Засгийн газраас баталсан “Дэлхийн Монголчууд” хөтөлбөрийн хүрээнд Австрали, Шинэ Зеланд Улсад оршин суугаа хүүхэд багачуудынхаа эх оронч сэтгэлгээг дэмжин урамшуулах зорилгоор Монгол Улсын Элчин сайдын яамнаас Монгол сургууль, сургалтын төвүүдтэй хамтран “Монголын сайхан орон” сэдэвт гар зургийн уралдааныг 2024 оны 11 дүгээр сарын 12-ноос 22-ны өдрүүдэд зарлаж байна.
Мөн бүтээлээ ирүүлсэн бүх хүүхдүүддээ Элчин сайдын яам, Монгол сургууль, сургалтын төвүүдээс “Талархал” гардуулах арга хэмжээ 2024 оны 11 дүгээр сарын 26-ны өдөр Сидней хотноо зохиогдох бөгөөд арга хэмжээ болох газрыг жич мэдэгдэх болно.
Иймд гар зургийн уралдаанд оролцох сонирхолтой хүүхэд багачууд маань өөрсдийн бүтээлээ эх болон цахим хувилбараар доорх хаяг руу илгээнэ үү.
“Mongol School”
Phone: 0420661675
Address:
7 lotus Arnicliffe NSW 2205
Монгол Улс өнө мөнхөд мандан бадрах болтугай!
Монгол Улсаас Австралийн Холбооны Улсад суугаа Элчин сайдын яам,
Монгол сургууль, сургалтын төвүүд
2024 оны 11 дүгээр сарын 12-ны өдөр
